11:41 / 31.03.2025
Le Pen dhe 8 eurodeputetë shpallen fajtorë për `shpërdorim të fondeve`
V.TH / RTKLive
Liderja e Ekstremit të Djathtë në Francë, Marine Le Pen dhe tetë eurodeputetë u shpallën fajtorë për përvetësim të fondeve të BE-së.
Sipas medieve franceze dënimet e tyre do të raportohen individualisht.
Vendimi u mor nga Gjykata e Parisit. Seanca u mbajt me dyer të mbyllura, ku nuk u lejua asnjë kamerë apo regjistrime audio në sallën e gjyqit.
Propozimi i prokurorit, seanca e zhvilluar më 13 nëntor 2024, parashikon që Marine Le Pen jo vetëm t’i hiqet e drejta për t’u zgjedhur për pesë vjet, por edhe të dënohet me tre vjet burg me kusht, si dhe gjobë prej 300 mijë eurosh.
Parlamenti Evropian vlerësoi se fondet e supozuara të përvetësuara arrinin në rreth 7 milionë euro.























