Kina ka nisur një stërvitje të gjerë ushtarake rreth Tajvanit
Dardan Ramabaja /RTK
Kina filloi stërvitjet e përbashkëta të ushtrisë, marinës dhe raketave rreth Tajvanit të martën si një "paralajmërim i ashpër" kundër separatizmit, duke e quajtur presidentin tajvanez Lai Ching-te një "parazit", pasi Tajvani dërgoi anije luftarake për t`iu përgjigjur marinës së Kinës që po i afrohej brigjeve të saj.
Stërvitjet rreth ishullit të qeverisur në mënyrë demokratike, të cilin Kina e sheh si territorin e saj dhe kurrë nuk ka hequr dorë nga përdorimi i forcës për ta vënë nën kontrollin e saj, vijnë pasi Lai e quajti Pekinin një "forcë armiqësore të huaj" muajin e kaluar.
“Fokusi është në ushtrime të tilla si patrullimet e gatishmërisë luftarake në det dhe në ajër, kapja e kontrollit gjithëpërfshirës, goditja e objektivave detare dhe tokësore dhe vendosja e kontrolleve të bllokadës në zonat dhe rrugët kryesore”, tha Komanda e ashtuquajtur e Teatrit Lindor në një deklaratë.
Qeveria e Tajvanit dënoi stërvitjet, me zyrën presidenciale që tha se Kina ishte "gjerësisht e njohur nga komuniteti ndërkombëtar si ngatërrestare" dhe se qeveria ka besimin dhe aftësinë për të mbrojtur veten.
Qeveria e Tajvanit hodhi poshtë pretendimet e Pekinit për sovranitet, duke thënë se vetëm njerëzit e ishullit mund të vendosin për të ardhmen e tyre.
Zyrtarët e Tajvanit pretendojnë se më shumë se 10 anije ushtarake kineze ishin afruar afër zonës detare 44 km të Tajvanit duke e detyruar këtë të fundit të dërgonte anijet e veta luftarake për t'iu përgjigjur.
Ministria e Mbrojtjes e Tajvanit tha në një deklaratë se grupi i aeroplanmbajtësve të Kinës Shandong kishte hyrë në zonën e reagimit të ishullit të hënën, duke shtuar se kishte dërguar aeroplanë dhe anije ushtarake dhe kishte aktivizuar sistemet e raketave me bazë tokësore.
Stërvitjet u zhvilluan pasi Sekretari i Mbrojtjes i SHBA-së Pete Hegseth u largua nga rajoni pas vizitave në Japoni dhe Filipine, ku ai kritikoi Kinën dhe tha se Japonia domosdoshmërit duhet ta trajtonte agresionin kinez.























