Raundi i bisedimeve SHBA-Iran për armët bërthamore është shtyrë
M.M./ RTKlive
Negociatat midis Shteteve të Bashkuara dhe Iranit mbi programin bërthamor, të planifikuara këtë fundjavë, janë shtyrë.
Kjo u bë e ditur nga ministri i Jashtëm i Omanit, Badr al-Busaidi, përmes një postim në platformën sociale X.
"Për arsye logjistike, po e riplanifikojmë takimin SHBA-Iran, i planifikuar paraprakisht për të shtunën, më 3 maj", shkroi ai. "Datat e reja do të njoftohen kur të bien dakord reciprokisht", raporton AP
Al-Busaidi, i cili ka ndërmjetësuar bisedimet në tre raunde deri më tani, nuk dha detaje.
Zëdhënësi i Ministrisë së Jashtme të Iranit, Esmail Baghaei, deklaroi se bisedimet "janë shtyrë me kërkesë të ministrit të Jashtëm të Omanit". Ai tha se Irani mbetet i përkushtuar për të arritur "një marrëveshje të drejtë dhe të qëndrueshme".























