09:03 / 26.05.2025
Trump e quan Putinin `të çmendur` pas sulmit rus ndaj Ukrainës
M.M. /RTKlive
Durimi i Donald Trump me Vladimir Putinin duket se po shteron. "Absolutisht i ÇMENDUR", ishte karakterizimi i tij për presidentin rus në një postim në ‘Truth Social’, të dielën.
Kjo vjen pasi të paktën 12 persona u vranë në sulmet ruse gjatë natës të shtunën, raporton BBC.
Ukraina tha se 367 dronë dhe raketa u qëlluan në vend, duke e bërë atë sulmin më të madh ajror në një natë të vetme që kur Moska nisi pushtimin e saj në shkallë të plotë në shkurt 2022.
Sulmet e Rusisë duket se janë ngadalësuar gjatë natës. Ndërkohë, Ministria e Mbrojtjes në Moskë thotë se forcat e saj rrëzuan 96 dronë ukrainas.























