22:02 / 08.07.2025
GJND: Të arrestohen udhëheqësit e talebanëve
M.M./ RTKlive
Gjykata Ndërkombëtare Penale (GJNP) lëshoi të martën një urdhër arresti për udhëheqësin më të lartë të talebanëve dhe kreun e Gjykatës Supreme të Afganistanit.
Ata dyshohen për shkelje të të drejtave të njeriut - më konkretisht, për persekutim të grave, raportojnë mediet e huaja.
“Ndërsa talebanët kanë vendosur rregulla dhe ndalime të caktuara mbi popullsinë në tërësi, ata kanë synuar posaçërisht vajzat dhe gratë për shkak të gjinisë së tyre dhe i kanë privuar ato nga liritë dhe të drejtat themelore”, shkroi gjykata në një deklaratë.
Sipas GJPN-së, krimet e dyshuara janë kryer nga viti 2021, kur talebanët morën pushtetin në Afganistan, deri të paktën në janar 2025.























