Trump padit Wall Street Journal për shpifje lidhur me letrat e Epstein-it
RTKlive
Presidenti amerikan Donald Trump ka paditur për shpifje botuesin e Wall Street Journal dhe gazetarët që shkruan një artikull lidhur me një koleksion letrash të dhuruara Jeffrey Epstein-it për ditëlindjen e tij të 50-të në vitin 2003, përfshirë një shënim që mban emrin e Trump-it dhe një skicë të një gruaje të zhveshur.
Sipas regjistrit të paraqitur në gjykatën federale në Floridën Jugore, Trump ka paditur për shpifje, sulm dhe fyerje. Një kopje e padisë nuk ishte bashkangjitur në regjistër. Në dosje përmenden si të paditur gazetarët e Journal, Khadeeja Safdar dhe Joe Palazzolo, raporton CNN.
Trump ka mohuar se e ka shkruar shënimin dhe kishte kërcënuar me padi menjëherë pas publikimit të artikullit të enjten pasdite.
“Wall Street Journal, dhe Rupert Murdoch personalisht, u paralajmëruan drejtpërdrejt nga Presidenti Donald J. Trump se letra e supozuar që ata publikuan si shkruar nga Presidenti Trump për Epstein ishte FALSE dhe, nëse e botonin, do të paditeshin,” shkroi Trump në Truth Social.
Presidenti shtoi se Murdoch, pronari i News Corp, kompania mëmë e Journal-it, “deklaroi se do të merrej vetë me këtë çështje.” Por, shtoi Trump, “dukshëm nuk kishte fuqinë ta bënte.”
Ndërkohë, ish-strategu i Shtëpisë së Bardhë, Steve Bannon, foli me pjesëmarrësit në ngjarjen “AmericaFest 2024” të Turning Point më 21 dhjetor në Phoenix, Arizona. Ngjarja katërditore përfshin disa nga folësit më të njohur konservatorë në SHBA.























