Izraeli vret 6 ushtarë sirianë në Damask
BKT
Rajoni dhe Bota

Izraeli vret 6 ushtarë sirianë në Damask

M.M. /RTKlive

Izraeli ka kryer sulme me dronë në periferi të Damaskut, Kiswah, ku vriten 6 ushtarë sirianë.

Media shtetërore siriane dhe Observatori Sirian për të Drejtat e Njeriut me seli në Britani thanë se dronët kishin në shënjestër një rrugë që lidh Damaskun me provincën jugore të Suwayda-s, vendi i përplasjes vdekjeprurëse muajin e kaluar mes komuniteteve beduine dhe druze.

Izraeli ndërhyri gjatë luftimeve muajin e kaluar, duke thënë se po mbronte komunitetin druz, një grup prej rreth 1 milion njerëzish që jetojnë kryesisht në Siri, Liban dhe Izrael, raporton euronews.

Që nga rrëzimi i regjimit të Bashar al-Asadit në dhjetor, Izraeli ka kryer qindra sulme ajrore në pjesë të ndryshme të vendit, duke shënjestruar objekte ushtarake.

Observatori shtoi se zona e goditur të martën ishte pjesë e pozicioneve ushtarake të Asadit para dhjetorit.

Ministria e Jashtme e Sirisë e dënoi sulmin pranë Quneitra-s, duke thënë se ai përbën shkelje të së drejtës ndërkombëtare dhe rrezikon paqen dhe stabilitetin në rajon. Ushtria izraelite nuk komentoi menjëherë për këto sulme.


MË SHUME NGA Rajoni dhe Bota