15:00 / 24.10.2025
SHBA dërgon anije ushtarake për stërvitje pranë Venezuelës
M.M./ RTKlive
Një anije ushtarake amerikane do të dërgohet në Trinidad dhe Tobago për ushtrime të përbashkëta pranë brigjeve të Venezuelës, ka njoftuar Ministria e Jashtme e Trinidad dhe Tobagos.
Ushtarë nga marina amerikane do të stërviten me ushtrinë e Trinidad dhe Tobagos, dhe anija do të ankorohet në kryeqytetin Port of Spain, raportojnë mediet e huaja.
Së fundmi, tensionet mes Shteteve të Bashkuara dhe Venezuelës janë rritur.
Gjatë muajve të fundit, SHBA ka kryer disa sulme vdekjeprurëse në Detin e Karaibeve kundër anijeve që dyshohet se transportonin narkotikë.























