Tajlanda nis sulme ajrore në Kamboxhia pas tensioneve ndërkufitare
BKT
Foto: AP
Rajoni dhe Bota

Tajlanda nis sulme ajrore në Kamboxhia pas tensioneve ndërkufitare

Dardan Ramabaja / RTK

Tajlanda ka njoftuar se ka nisur sulme ajrore në Kamboxhia të hënën, ndërsa luftimet shpërthyen në zona të shumta përgjatë kufirit të tyre të diskutueshëm, ku të dyja vendet akuzuan njëra tjetrën për shkelje të armëpushimit të ndërmjetësuar nga Presidenti amerikan Donald Trump.

Të paktën një ushtar tajlandez është vrarë dhe tetë të tjerë janë plagosur në përleshjet e reja që u intensifikuan rreth orës 5:00 të mëngjesit sipas orës lokale, thotë një zëdhënës i ushtrisë tajlandeze, duke shtuar se u thirr mbështetja ajrore për të goditur objektivat ushtarake kamboxhiane.

Forcat Ajrore të Tajlandës thotë se Kamboxhia mobilizoi armatime të rënda, ripozicionoi njësitë luftarake dhe përgatiti elemente mbështetës që mund të përshkallëzonin operacionet ushtarake.

"Këto zhvillime nxitën përdorimin e fuqisë ajrore për të penguar dhe zvogëluar aftësitë ushtarake të Kamboxhias", tha ajo në një deklaratë.

Ministria e mbrojtjes e Kamboxhias tha në një deklaratë se ushtria tajlandeze kishte nisur sulme në agim ndaj forcave të saj në dy vende, pas ditësh veprimesh provokuese dhe shtoi se trupat kamboxhiane nuk ishin përgjigjur.

Ish-udhëheqësi i gjatë i Kamboxhias, Hun Sen, njëherit babai i kryeministrit aktual Hun Manet, tha se ushtria e Tajlandës ishte "agresore" që kërkonte të provokonte një përgjigje hakmarrëse dhe u kërkoi forcave kamboxhiane përmbajtje.

Tre civilë kamboxhianë janë plagosur rëndë në luftimet deri më tani, sipas një zyrtari të lartë provincial.


MË SHUME NGA Rajoni dhe Bota