Liderja opozitare venezueliane, vlerëson SHBA-në për Maduron
BKT
Rajoni dhe Bota

Liderja opozitare venezueliane, vlerëson SHBA-në për Maduron

A.B/RTKLive

María Corina Machado, 58 vjeç, konsiderohet një nga zërat më të respektuar të opozitës në Venezuelë dhe prej kohësh e ka denoncuar qeverinë e Nicolás Maduros si “kriminale”.

Asaj iu ndalua kandidimi në zgjedhjet e vitit 2024, por ajo vazhdoi të bëjë fushatë për kandidatin që e zëvendësoi në fletëvotim, Edmundo González. Maduro u shpall fitues, edhe pse rezultatet nga qendrat e votimit tregonin se González kishte fituar bindshëm.

Ajo është kërcënuar shumë herë me arrestim dhe, për këtë arsye, nëna e tre fëmijëve e kaloi pjesën më të madhe të vitit të kaluar duke jetuar e fshehur. Ajo i kishte dërguar fëmijët e saj të rritur jashtë vendit për sigurinë e tyre dhe nuk i pa për rreth dy vjet.

Machado u nderua me Çmimin Nobel për Paqe për vitin 2025 për “luftën e saj për të arritur një tranzicion të drejtë dhe paqësor nga diktatura në demokraci” në Venezuelë, dhe udhëtimi i saj për të marrë çmimin në Norvegji ishte mjaft i jashtëzakonshëm.

Udhëtimi i fshehtë, i cili ishte i rrezikshëm dhe i ndërlikuar, bëri që Machado të vishej me maskim, të kalonte 10 pika kontrolli ushtarake pa u kapur dhe të largohej me një barkë të vogël prej druri nga një fshat peshkatarësh bregdetar.

Ajo është zotuar të kthehet në Venezuelë, pavarësisht se i njeh “saktësisht rreziqet” — megjithëse ky koment u bë përpara se SHBA-ja të vepronte kundër Maduros, raporton BBC.


MË SHUME NGA Rajoni dhe Bota