Zelensky: Ukraina synon anëtarësimin në BE në vitin 2027
Gentiana Kelmendi/RTKlive
Presidenti ukrainas, Volodymyr Zelensky, ka njoftuar se Ukraina synon të bëhet anëtare e Bashkimit Evropian në vitin 2027. Ai tha se anëtarësimi i Ukrainës në BE do të jetë një nga garantitë kryesore të sigurisë për vendin dhe për Evropën.
Duke folur pas një bisede telefonike me kancelarin austriak Christian Stocker, Zelenskyy tha: “Ukraina kontribuon në forcën kolektive të Evropës në fushat e sigurisë, teknologjisë dhe ekonomisë. Prandaj po flasim për një datë konkrete, 2027, dhe llogarisim në mbështetjen e partnerëve për qëndrimin tonë.”
Ukraina ka marrë statusin e kandidatit në vitin 2022 dhe negociatat për anëtarësim nisën zyrtarisht në 2024. Megjithatë, Hungaria po bllokon hapjen e kapitujve negociues, duke argumentuar se anëtarësimi i Ukrainës do të sillte rreziqe sigurie dhe ekonomike.
Një zyrtar i BE-së ka konfirmuar se po diskutohet gjithashtu opsioni i integrimit gradual, ku Ukraina mund të hyjë pjesërisht në BE ndërsa vazhdon punën për integrimin e mëtejshëm.
Zyrtari tha se Ukraina ka bërë përparim të jashtëzakonshëm në 2025 dhe po merr mbështetje nga Brukseli për të përgatitur dokumentacionin e anëtarësimit, ndërsa lufton luftën, negocion paqen dhe përgatitet për anëtarësim në të njëjtën kohë. / Burimi: Euro News























