18:01 / 09.02.2026
Distria Krasniqi në krye të renditjes botërore
Uran Krasniqi / RTKLive
Xhudistja kosovare Distria Krasniqi është në krye të renditjes botërore në kategorinë deri në 52 kilogramë.
Sipas renditjes më të fundit të publikuar nga Federata Ndërkombëtare e Xhudos (IJF) dhe Unioni Evropian i Xhudos (EJU), Distria Krasniqi mban vendin e parë në botë me gjithsej 6,510 pikë.
Në fundjavë Distria Krasniqi ka dalë me kokën lart nga Grand Slami i Parisit, duke fituar medaljen e artë në kategorinë deri në 52 kilogramë. Në arenën “Bercy”, para rreth pesëmbëdhjetë mijë shikuesve, xhudistja kosovare e ka mposhtur në finale spanjollen Ariane Toro Soler për vetëm njëzet e shtatë sekonda.























