Studentët rifillojnë protestat antiqeveritare në Iran
Dardan Ramabaja / RTK
Studentët në disa universitete në Iran kanë organizuar protesta antiqeveritare që janë tubimet e para të tilla në këtë shkallë që nga shtypja vdekjeprurëse e muajit të kaluar nga autoritetet.
Pamjet e publikuara në rrjetet sociale të verifikuara nga shumë media tregojnë qindra protestues duke marshuar paqësisht në kampusin e Universitetit të Teknologjisë Sharif të shtunën.
Turmat brohoritën "vdekje diktatorit" - një referencë për Udhëheqësin Suprem Ajatollah Ali Khamenei - dhe slogane të tjera antiqeveritare. Mbështetësit e një tubimi rival pro-qeveritar shihen aty pranë në video. Më vonë shihen përleshje mes dy kampeve.
Janë shfaqur gjithashtu foto të verifikuara që tregojnë një protestë paqësore ulur në Universitetin Shahid Beheshti të kryeqytetit. SHBA-të kanë qenë duke ndërtuar praninë e tyre ushtarake pranë Iranit dhe Presidenti Donald Trump ka thënë se po shqyrton një sulm të kufizuar ushtarak.
SHBA-të dhe aleatët e saj evropianë dyshojnë se Irani po lëviz drejt zhvillimit të një arme bërthamore, diçka që Irani e ka mohuar gjithmonë. Zyrtarët amerikanë dhe iranianë u takuan në Zvicër të martën dhe thanë se ishte arritur përparim në bisedimet që synojnë frenimin e programit bërthamor të Iranit.
Por pavarësisht përparimit të raportuar, Trump tha më pas se bota do të zbulojë "gjatë, ndoshta, 10 ditëve të ardhshme" nëse do të arrihet një marrëveshje me Iranin apo SHBA-të do të ndërmarrin veprime ushtarake.
Trump i ka mbështetur protestuesit në të kaluarën sa që në një moment për t'i inkurajuar ata kishte thënë se "ndihma është duke ardhur".























