Mbyllet ambasada amerikane në Beirut pas sulmeve izraelite në Liban
BKT
Rajoni dhe Bota

Mbyllet ambasada amerikane në Beirut pas sulmeve izraelite në Liban

Valbona Thaçi / RTKLive

Ambasada e Shteteve të Bashkuara në Beirut është mbyllur “deri në njoftim të mëtejshëm”, ndërsa tensionet në Lindjen e Mesme vazhdojnë të përshkallëzohen. Të gjitha takimet konsullore, përfshirë ato emergjente, janë anuluar, raporton Reuters.

Sipas raportimit të Reuters mbyllja e ambasadës vjen pas sulmeve izraelite në Beirut dhe pjesë të Libanit jugor, si përgjigje ndaj veprimeve të grupit militant Hezbollah, i mbështetur nga Irani. Vendimi pason edhe mbylljen e përkohshme të ambasadave amerikane në Kuwait, Riyadh dhe masat emergjente në Muscat, ndërsa personeli amerikan është tërhequr për sigurinë e tij.

Shqetësimet janë të lidhura me rritjen e dhunës dhe sulmet ajrore, që rrezikojnë stafin diplomatik dhe civilët. Ambasada premton të japë informacione të mëtejshme kur situata të stabilizohet.


MË SHUME NGA Rajoni dhe Bota