Guardiola beson te përmbysja ndaj Realit: Duhet të japim gjithçka
BKT
Sport

Guardiola beson te përmbysja ndaj Realit: Duhet të japim gjithçka

Fatmir Bytyqi/RTKLive

Trajneri i Manchester City, Pep Guardiola, ka deklaruar se skuadra e tij duhet të japë maksimumin për të tentuar përmbysjen ndaj Real Madrid në ndeshjen e kthimit të fazës së 1/16 së finales në Ligën e Kampionëve.

City u mposht 3-0 në ndeshjen e parë në Madrid, ku mesfushori uruguaian Federico Valverde realizoi një tregolësh që i dha avantazh të madh skuadrës madrilene para sfidës së kthimit në “Etihad”.

Guardiola e pranoi se përmbysja do të jetë shumë e vështirë, por theksoi se skuadra e tij duhet të luftojë deri në fund.

“Rezultati është i vështirë. Nuk e di sa ndeshje të Champions League ka luajtur Real Madridi pa u përmbysur nga 3-0, por ne duhet të provojmë. Është çështje respekti për njerëzit, për tifozët dhe për punën tonë”, u shpreh Guardiola.

Tekniku spanjoll pranoi gjithashtu se forma e fundit e ekipit nuk ka qenë më e mira. Në katër ndeshjet e zhvilluara gjatë marsit, City ka arritur vetëm një fitore, duke regjistruar edhe dy barazime dhe një humbje.

Në kampionat, skuadra e Guardiolës ndodhet në ndjekje të Arsenal, me nëntë pikë më pak se lideri, edhe pse ka një ndeshje më pak të zhvilluar.

Megjithatë, Guardiola mbetet optimist për të ardhmen e ekipit.

“Më pëlqen skuadra ime. Deri në fund do të vazhdojmë të luftojmë dhe sezonin e ardhshëm do të rikthehemi më të fortë”, theksoi trajneri spanjoll.