17:58 / 16.04.2026
Humb jetën në aksident ish-portieri Alex Manninger
Uran Krasniqi / RTKLive
Ish-portieri austriak Alex Manninger ka humbur jetën në moshën dyzet e tetë vjeçare pas një aksidenti.
Manninger, i cili kishte luajtur për klube të mëdha si Arsenal, Juventus dhe Liverpool, është përplasur me një tren lokal në Salzburg.
Shërbimet emergjente kanë arritur menjëherë në vendin e ngjarjes, por pavarësisht ndihmës së parë, ai ka ndërruar jetë në vend. Në tren ndodheshin rreth njëzet e pesë pasagjerë dhe drejtuesi i trenit, të cilët nuk kanë pësuar lëndime. Autoritetet po vazhdojnë hetimet për të zbardhur shkaqet e aksidentit.
Gjatë karrierës së tij, Manninger ka regjistruar tridhjetë e tri paraqitje për kombëtaren e Austrisë dhe ishte pjesë e skuadrës në Euro 2008.























