23:17 / 19.04.2026
Netanyahu: Situata me Iranin nuk ka përfunduar
Gentiana Kelmendi/RTKlive
Kryeministri i Izraelit, Benjamin Netanyahu, ka deklaruar se lufta me Iranin ende nuk ka mbaruar.
Duke folur pas takimit me presidentin e Argjentinës, Javier Milei, në Jerusalem, kryeministri izraelit theksoi se situata me Iranin ende nuk ka përfunduar dhe se në çdo moment mund të ketë zhvillime të reja.
“Jemi në një kohë sfide dhe pasoja të mëdha. Kemi qenë të angazhuar me Shtetet e Bashkuara në një betejë kundër tiranisë së madhe të Iranit. Kemi arritur shumë, por nuk ka përfunduar ende dhe çdo moment mund të sjellë zhvillime të reja,” tha Netanyahu, raporton BBC.























