19:41 / 22.05.2026
Zelensky kërkon intensifikimin e përpjekjeve për paqe
ATSH
Presidenti ukrainas, Volodymyr Zelensky theksoi nevojën për të ringjallur përpjekjet diplomatike për t’i dhënë fund pushtimit rus të Ukrainës sot, pas bisedimeve me udhëheqësit e Britanisë, Francës dhe Gjermanisë.
Zelensky tha ndër të tjera, se pret propozime nga SHBA-të në lidhje me formën e përpjekjeve të ardhshme diplomatike që synojnë përfundimin e luftës.
Ai argumentoi se situata në vijën e frontit po formësohet në favor të forcave të armatosura ukrainase.
Që nga fillimi i vitit, trupat e Kievit kanë çliruar territore me një sipërfaqe totale prej 590 kilometrash katrorë, tha Zelensky.























