Flick kritikon Adeyemin pas debutimit: Ka shumë më tepër për të treguar
F.B/RTKLive
Trajneri i Barcelonës, Hansi Flick, ka vlerësuar se debutimi i përforcimit të ri, Karim Adeyemi, nuk ishte në nivelin që ai pret, por theksoi se sulmuesi ka potencial të madh për të dhënë shumë më tepër.
Barcelona barazoi 2:2 me Birmingham City në një ndeshje miqësore të zhvilluar në Angli, ndërsa Adeyemi bëri paraqitjen e tij të parë me fanellën katalanase.
Pas takimit, Flick u shpreh se gjermani ende nuk ka treguar cilësitë e tij më të mira.
"Karim në disa momente nuk ishte aq i mirë sa presim. Ai ka shumë më tepër potencial për të treguar, por është vetëm java e parë e stërvitjeve dhe kjo është krejt normale", tha trajneri gjerman.
Flick shtoi se në stërvitje ka parë një version më të mirë të Adeyemit, veçanërisht përsa i përket shpejtësisë dhe finalizimit, duke shprehur besimin se ai do të jetë një lojtar i rëndësishëm për skuadrën.
Trajneri i Barcelonës u shpreh i kënaqur me paraqitjen e përgjithshme të ekipit, sidomos të futbollistëve të rinj, edhe pse pranoi se skuadra kishte mungesë vetëbesimi në disa faza të lojës dhe bëri gabime në ndërtimin e aksioneve.
Barcelona do të vazhdojë përgatitjet për sezonin e ri me një tjetër ndeshje miqësore ndaj Preston North End, ku Adeyemi do të ketë një tjetër mundësi për të bindur trajnerin.























