17:39 / 21.08.2026
Jetmir Topalli rikthehet te Ballkani pas gjashtë vitesh
F.B/RTKLive
Jetmir Topalli është rikthyer te FC Ballkani, duke i dhënë fund aventurës së tij gjashtëvjeçare në futbollin ndërkombëtar.
Sulmuesi ka firmosur me klubin nga Suhareka dhe tashmë do të jetë sërish pjesë e skuadrës me të cilën nisi rrugëtimin e tij në futbollin profesionist.
Topalli rikthehet te Ballkani me përvojë të madhe të fituar gjatë viteve të fundit jashtë Kosovës, ndërsa transferimi i tij pritet të jetë një përforcim i rëndësishëm për repartin ofensiv të skuadrës.
Pas gjashtë vitesh, Topalli rikthehet në një ambient që e njeh mirë dhe ku synon të nisë një kapitull të ri në karrierën e tij.
FC Ballkani e ka mirëpritur rikthimin e sulmuesit, duke e cilësuar atë si një rikthim në shtëpi.
“Mirë se u ktheve në shtëpi, Jetmir!”























