Britania ndihmon Ukrainën për prodhimin e raketave Storm Shadow
Luan Qorraj /RTK
Kryeministri britanik Andy Burnham ka mbërritur në Kiev, ku gjatë vizitës së tij në 35-vjetorin e pavarësisë së Ukrainës ka njoftuar se Britania do të ndajë me Ukrainën informacione të klasifikuara teknike për komponentët britanikë të raketave me rreze të gjatë veprimi Storm Shadow/SCALP.
Kjo masë synon t’i mundësojë Ukrainës, në bashkëpunim me Francën, të krijojë linja për montimin e këtyre raketave në territorin ukrainas. Storm Shadow është versioni britanik, ndërsa SCALP versioni francez i së njëjtës raketë, e zhvilluar me teknologji britanike dhe franceze.
Moskë zyrtare e ka dënuar këtë hap, duke akuzuar Britaninë për përshkallëzim të mëtejshëm të konfliktit dhe duke paralajmëruar pasoja.
Vizita e Burnham në Kiev vjen në një kohë kur Rusia po vazhdon sulmet me raketa dhe dronë ndaj Ukrainës, ndërsa forcat ukrainase kanë intensifikuar goditjet me rreze të gjatë ndaj objektivave ushtarake dhe infrastrukturës kritike brenda territorit rus.
Në Kiev, Burnham dhe liderë të tjerë evropianë kanë marrë pjesë në ceremonitë e shënimit të 35-vjetorit të pavarësisë së Ukrainës, ndërsa kanë riafirmuar mbështetjen për Kievin dhe kanë bërë thirrje për presion të mëtejshëm ndaj Rusisë.























