Simeone: Respekt për Mourinhon, ndaj Realit duhet të japim maksimumin
F.B/RTKLive
Diego Pablo Simeone në një konferencë për media, ka folur për derbin e madh të Madridit mes Atletico Madridit dhe Real Madridit.
Trajneri i Atletico Madridit e ka cilësuar këtë si një javë të veçantë për kryeqytetin spanjoll, pas garave të Formula 1 dhe koncertit të këngëtares së njohur Shakira.
“Shkova në garat e Formula 1, më pas mora pjesë në një koncert të Shakirës dhe tani kemi derbin. Ka qenë një javë e madhe”, u shpreh Simeone.
I pyetur për homologun e tij te Real Madridi, José Mourinho, tekniku argjentinas theksoi respektin që ka për trajnerin portugez.
“Kam shumë respekt për Mourinhon. Ai e di fare mirë këtë dhe shpresoj që nesër të përballemi ashtu siç kemi bërë gjithmonë, duke dhënë maksimumin”, deklaroi Simeone.
Simeone foli edhe për dallimet në mënyrën e lojës së dy skuadrave, duke vënë theksin te tranzicioni i Real Madridit.
“Tranzicioni i Realit është më vertikal se ai i ekipit tonë dhe është më i shpejtë. Ne duhet të bëjmë maksimumin që ata të mos ndihen komodë me lojën e tyre. Duhet ta ngadalësojmë tranzicionin e tyre”, theksoi trajneri i Atlético Madridit.























