16:04 / 28.09.2026
Dardanët rikthehen në stërvitje për duelin me Izraelin
F.Bytyqi/RTKLive
Kombëtarja e Kosovës i është rikthyer sot stërvitjeve në kuadër të përgatitjeve për ndeshjen e radhës ndaj Izraelit, që zhvillohet të enjten në Hungari.
Në seancën e sotme në Debrecen, futbollistët që nuk ishin titullarë në ndeshjen e mbrëmshme kundër Austrisë zhvilluan stërvitje, ndërsa titullarët e kësaj sfide iu nënshtruan programit të rigjenerimit në palestër.
Kujtojmë së Kosova këtë edicion në Ligën e Kombeve e nisi me fitoren kundër Irlandës, me rezultat 1-0, derisa mbrëmë u mund nga Austria, me rezultat 3-1.
Sfida e radhës për Dardanët është Izraeli, kurse, me 4 tetor në Prishtinë, Kosova sfidon sërish Austrinë.
























