Kombëtarja e Portugalisë do ta nderojë Cristiano Ronaldon para ndeshjes kundër Danimarkës, në kuadër të Ligës së Kombeve, duke veshur fanella me numrin shtatë, të cilin ylli portugez e ka mbajtur për shumë vite.

Kjo do të jetë ndeshja e parë zyrtare e Portugalisë që nga momenti kur Ronaldo njoftoi largimin nga përfaqësuesja. Në shenjë respekti për ish-kapitenin, të gjithë futbollistët, stafi teknik dhe drejtuesit e Federatës Portugeze të Futbollit do të dalin në fushë me fanella me numrin shtatë.

Vendimi është marrë bashkërisht dhe është mbështetur edhe nga kapitenët aktualë të përfaqësueses, përfshirë Bernardo Silvën, Joao Cancelon, Ruben Diasin dhe Bruno Fernandesin.

Portugalia do të përballet me Danimarkën të shtunën, nga ora 20:45, në stadiumin e Bragës.

Përfaqësueses portugeze i mjafton një pikë në këtë takim për ta siguruar vendin e parë në grupin A4 të Ligës së Kombeve.