08:46 / 22.11.2026
52 aksidente trafiku brenda 24 orëve në Kosovë, 21 persona të arrestuar
Sh.Ç/RTKlive
Policia e Kosovës ka publikuar statistikat e përgjithshme për 24 orët e fundit, ku janë regjistruar gjithsej 52 aksidente trafiku, prej tyre 19 me persona të lënduar dhe 33 me dëme materiale.
Sipas statistikave policore, gjatë kësaj periudhe nuk është raportuar asnjë aksident trafiku me fatalitet.
Ndërkohë, Policia ka shqiptuar 1 mijë e 726 tiketa trafiku për kundërvajtje të ndryshme.
Sa i përket aktiviteteve policore, janë arrestuar 21 persona, ndërsa 14 persona janë dërguar në mbajtje. Një person është duke vuajtur dënimin, kurse nuk është regjistruar asnjë person në ndalim policor.
Statistikat pasqyrojnë gjendjen e sigurisë dhe aktivitetet e Policisë së Kosovës gjatë 24 orëve të fundit.






















