Bosnja riatdheson 30-40 shtetas të saj nga Siria
Bosnja po përgatit riatdhesimin nga kampet në Siri të 30-40 shtetasve të saj, veçanërisht gra dhe fëmijë të xhihadistëve, njoftoi sot ministri i Sigurisë, Dragan Mektiç.
“Mbërritja e këtyre personave, pjesërisht në Siri pritet të shtunën”, deklaroi ministri për shtypin.
Dragan Mektiç kritikoi gjithashtu presidencën e Bosnje-Hercegovinës për përshpejtimin e këtij procesi riatdhesimi, pa bisedime dhe koordinimin me agjencitë e sigurisë.
“Ne nuk mund ta përgatisim gjithçka deri të shtunën. Këta njerëz do të kthehen pa dokumente. Si do ta verifikojmë identitetin e rreth 30-40 personave që do të zbarkojnë këtu”, paralajmëroi ministri.
“Do të përgatisim atë që është e mundur deri të shtunën”, shtoi ai.
Në një letër të dërguar disa ministrive, përfshirë dhe Ministrinë e Sigurisë, presidenca kërkoi një veprim urgjent dhe të koordinuar për organizimin e rikthimit të shtetasve boshnjak nga Siria./























