Komisioni Maqedoni V. – Greqi, ende pa rezultate
BKT
Rajoni dhe Bota

Komisioni Maqedoni V. – Greqi, ende pa rezultate

Ndonëse flitet me krenari për Marrëveshjen e Prespës, akoma nuk ka dhënë rezultate Komisioni ndër-disciplinor që sipas kësaj marrëveshjeje, duhet t’i shqyrtojë librat e historisë në Maqedoninë e Veriut dhe Greqi. Fajin për ngecje, kreu i komisionit maqedonas, Viktor Gaber ia hedh komisionit grek.

"Ky komision ekziston. Punojmë vazhdimisht në pjesën maqedonase. Presim të formohet pjesa greke, sepse u paralajmëruan ndryshime në përbërjen e saj. Shpresojmë që kjo të ndodhë shpejtë", deklaroi Viktor Gaber, Klubi i diplomatëve (2:25-2:52)

Në shënimin e 50 vjetorit të diplomacisë maqedonase, Ministri i Jashtëm, Nikolla Dimitrov theksoi se politika e jashtme udhëhiqet nga vizioni për hapjen e negociatave me BE-në. Dimitrov me kritika për Ministrinë e financave.

"Kjo shtëpi vazhdimisht është nënvlerësuar nga Ministria e Financave edhepse, të mos e marrim parasysh diplomacinë ekonomike, kur shtëpitë e agjencive ngritën rejtingun kreditor të shtetit kryesisht cituan sukseset e politikës së jashtme. Mendoj se në afat të mesëm dhe të gjatë do të na duhet një ndryshim i dukshëm në trajtimin e ministrisë në kuadër të buxhetit të përgjithshëm", tha Nikolla Dimitrov, Ministër i Jashtëm.

Ambasadori më i vjetër në vend, Milan Jazbec tha se karakteri multi-etnik dhe multi-gjuhësor i vendit është më e mira që mund ta ofrojmë në BE.

"Jemi shtet multi-etnik dhe multi-gjuhësor. Ashtu siç tha Papa para Klubit diplomatik kur e vizitoi Maqedoninë e Veriut, karakteri shumë-etnik dhe shumë-gjuhësor i vendit tuaj është thelbësor, krenohuni me të. Është pjesa më e mirë që do ta sjellni me integrimin në BE", tha Milan Jazbec, Ambasador i Sllovenisë.

Shënimi i 50 vjetorit të diplomacisë po e gjen vendin në një periudhë kur në shumë vende të botës nuk kemi ambasadorë. Autoritetet paralajmëruan se kjo çështje do të zgjidhet para festave të fundvitit.


MË SHUME NGA Rajoni dhe Bota