20:01 / 27.12.2019
Protestë para ambasadës së Malit të Zi, thirrje fyese për Gjukanoviqin
Huliganët e klubit nga Beogradi, Partizani, kanë protestuar para ambasadës malazeze në kryeqytetin e Serbisë.
Ata kanë bërë thirrje fyese kundrejt presidentit të Malit të Zi, Milo Gjukanoviq, transmeton Indeksonline.
Kjo protestë u organizua për të përkrahur serbët që jetojnë në Malin e Zi, të cilët po protestojnë kundër një projekt-ligji për komunitetet fetare.
Gjatë ditës së djeshme ka pasur përplasje në kuvendin malazez kundër këtij ligji.
Po ashtu banorët e komunitetit serb kanë bërë protesta dje, duke bllokuar qarkullimin në disa rrugë.























