Unitedi për Pogban kërkon para dhe De Ligtin
BKT
Sport

Unitedi për Pogban kërkon para dhe De Ligtin

Mediet angleze raportojnë se Manchester United mund ta lërë mesfushorin Paul Pogba t’i bashkohet Juventusit, por vetëm për para plus mbrojtësin e talentuar, Matthijs de Ligt.

27-vjeçari francez ka deklaruar hapur se ndoshta ka ardhur momenti të provojë një sfidë të re, ndërkohë holandezi De Ligt nuk ka mundur të gjejë formën e tij më të mirë në Torino.

Pikërisht nga këto dy arsye nisen dhe mediat angleze të cilat shprehen se një marrëveshje midis dy klubeve është e mundur në verë, në rast se “Zonja e Vjetër” është e gatshme të heqë dorë nga mbrojtësi që u ble verën e kaluar dhe të ofrojë një shumë parash, për të mbushur diferencën e vlerës monetare midis dy lojtarëve.