Bundesliga do të rinisë me stadiume të mbyllura, por plotë më tifozë...
BKT
Sport

Bundesliga do të rinisë me stadiume të mbyllura, por plotë më tifozë...

Bundesliga po përgatitet për rifillimin e sezonit, edhe pse nuk ka ende asnjë dritë jeshile nga qeveria gjermane.

Pasi ka kthyer lojtarët të stërviten, duke marrë masat e duhura, tani pritet të kthehen edhe ndeshjet me dyer të mbyllura.

Borussia Monchengladbach është vënë në lëvizje për të gjetur një zgjidhje për mungesën e fansave. Në fakt, tifozët e skuadrës kanë propozuar të vendosen në shkallët e stadiumit kartonë që i përfaqësojnë.

Tifozët, kundrejt një pagese prej 19 eurosh, do përfaqësohen në vendet ku ulen zakonisht.

Ideja është pëlqyer edhe nga ana e lojtarëve, me sulmuesin Patrick Herrmann që ka thënë për Kicker: “Në fillim isha skeptik, nuk e dija nëse do  të kishte efektin e dëshiruar. Por më duket e mirë, shumë afër realitetit”.