16:39 / 18.04.2020
Dy gjigantët anglez ndjekin sulmuesin e Celtic
Arsenali dhe Evertoni janë të interesuar ta blejnë sulmuesin e Celtic, Odsonne Edouard, raporton “Le 10 Sport”.
22-vjeçari po shfaq formë të lartë këtë sezon të garave me Celtic, duke ndezur interesimin e klubeve të njohur evropiane.
Arsenali dhe Evertoni raportohet se janë duke u përgatitur që të hedhen në sulm për yllin e Celtic.
Edouard, i cili ka shënuar 27 gola në 45 ndeshje në të gjitha garat për Celtic këtë edicion, monitorohet edhe nga Lyon dhe Lille.
Kartoni i lojtarit thuhet se kap shifrën rreth 40 milionë euro.























