10:45 / 21.04.2020
Në Maqedoninë e Veriut arrestohen 89 persona për shkelje të orës policore
Ministria e Punëve të Brendshme në Maqedoninë e Veriut ka njoftuar se mbrëmë në gjithë shtetin 117 persona e kanë shkelur orën policore ku 89 prej tyre janë arrestuar.
Gjatë natës së kaluar 135 personave u është dhënë vendim për izolim, derisa 53 të tjerë kanë nënshkruar vendim për vetizolim, shkruan Alsat.
Nga ana e zyrtarëve policorë janë kryer kontrolle ndaj personave të cilët tashmë gjenden në izolim dhe vetizolim dhe është konstatuar se tre persona nuk kanë respektuar masën për izolim.























