City, gati t’i shpenzojë 330 milionë euro për këta futbollistë
BKT
Sport

City, gati t’i shpenzojë 330 milionë euro për këta futbollistë

Manchester City është gati të kthehet protagonist në afatin kalimtar. Sipas së përditshmes spanjolle Sport, buxheti i “Qytetarëve” për të përforcuar skuadrën duket se është 330 milionë euro.

Vendimi i CAS-it ka anuluar atë të UEFA-s për përjashtimin e Cityt nga garat evropiane për dy vite dhe tani drejtuesit janë të gatshëm t’i dhurojnë trajnerit Guardiola disa emra të rëndësishëm për sezonin e ardhshëm.

Duket se objektivat e Pep janë katër: dy qendërmbrojtës, një zëvendësues për Sane dhe një mesfushor sulmues. Për mbrojtjen shikohet edhe në Itali, ku pëlqehen Kalidou Koulibaly i Napolit dhe Milan Skriniar i Interit.

Në listën janë edhe emrat e David Alaba të Bayern Munich dhe Diego Carlos i Sevillas.

Si zëvendësues të Sane, Guardiola duket se mendon për Ferran Torres të Valencias, që mund të kërkojë mes 30 dhe 40 milionë eurove.

Mesfushori sulmues mund të jetë Kai Havertz i Bayer Leverkusen për të cilin ka kohë që është vënë në lëvizje Chelsea dhe i cili kushton rreth 75 milionë euro.