Ramadani paralajmëron dorëheqjen pas humbjes nga Drenica
Trajneri i Prishtinës, Zekirija Ramadani duket se do e mbyllë më herët se që pritej aventurën e tij me klubin kryeqytetas.
Prishtina sot humbi ndeshjen e tretë radhazi, e sipas trajnerit kjo nuk i ngjanë aspak Prishtinës.
Ishte vetë trajneri që paralajmëroi mundësinë e dorëheqjes në deklaratën pas ndeshjes: Drenica 1-0 Prishtina.
“Dhamë maksimumin, por nuk mjaftoi që të fitonim. Drenica na mposhti pas angazhimit që kishin”, tha ai, raporton Olle.
“3 humbje radhazi janë shumë, dhe dikush duhet të marrë përgjegjësi e ai që duhet të marrë përgjegjësi jam unë, dhe nuk i iku aspak përgjigjësisë”
“Këto tre humbje nuk na ngjajnë aspak, dhe unë do të marrë përgjegjësinë, e them këtë me plotë bindje. Motivimi nuk është në nivelin e duhur, por çfarë do ndodhë ja lëmë kohës dhe do flasim me drejtuesit e klubit”.























