13:06 / 23.06.2021
Austria e vendos Maqedoninë në listën e vendeve të sigurta nga pandemia
Tre shtete ballkanike janë vendosur në listën e vendeve të sigurta për udhëtim në Austri, në mesin e të cilave edhe Maqedonia e Veriut.
Ministria e Shëndetësisë në Austri i ka publikuar emrat e 11 shteteve të reja, që janë përfshirë në listën e vendeve të sigurta nga pandemia e coronavirusit. Mediumet austriake raportojnë se kjo do t’ua lehtësojë udhëtimin e qytetarëve të këtyre shteteve në Austri, përcjell Telegrafi Maqedoni.
Dekreti i ri i Ministrisë së Shëndetësisë në Austri, që hyn në fuqi nesër, parasheh që qytetarët e Shqipërisë, Maqedonisë së Veriut dhe Serbisë, të mund të udhëtojnë në Austri.























