Masat eventuale shtrënguese-shkatërrim për ekonominë e Maqedonisë
BKT
Rajoni dhe Bota

Masat eventuale shtrënguese-shkatërrim për ekonominë e Maqedonisë

Kthimi eventual i masave shtrënguese do të shkaktojë rënie të ekonomisë në vend. Kompanitë po luftojnë me likuiditetin dhe ende po rimëkëmben nga mbyllja e parë vitin e kaluar, shprehen nga komuniteti i biznesit.

Nga organizata e kompanive mikro dhe të vogla thonë se masat e reja shtrënguese do të shkaktojnë mbylljen e një numri të madh të bizneseve krahasuar me vitin e kaluar, por se edhe do të rritet numri i të larguarve nga puna.

“Rreth 20 deri 30% e subjekteve tregtare janë mbyllur kurse përqindja e njëjtë e kanë reduktuar numrin e punonjësve. Nëse kemi masa të tjera shtrënguese, kjo do të thotë shkatërrim për këtë sektor, nuk do të mund të mbijetojnë kompanitë e vogla. Në këtë rast, përqindja e bizneseve të mbyllura do të rritej dyfish”, deklaroi Organizata e Shoqatave Tregtare.

Që nga fillimi i Pandemisë, një kohë të gjatë u mbyllën restorantet e dasmave, këndet e lojërave, kafenetë dhe lokalet, por masat shtrënguese i ndjenë të gjithë bizneset./Alsat/


MË SHUME NGA Rajoni dhe Bota