11:41 / 16.07.2021
RMV/ Spasovksi: Vetëm në qershor, u lëshuan 42.000 pasaporta
Vetëm në qershor, u lëshuan 42.000 pasaporta, 20.000 letërnjoftime dhe 10.000 patenta për shofer, njofton Ministri i Brendshëm në Maqedoninë e Veriut, Oliver Spasovski përmes profilit të tij në Facebook, transmeton Telegrafi.
“Nga data 05.07.2021 deri më 14.07.2021 pranuan gjithsej 41.864 kërkesa për dokumente personale. Departamenti për Punë Administrative ka punuar pa ndërprerje në kushtet e një pandemie, për të cilën i falënderoj për angazhimin e tyre, dhe gjithashtu njoftoi rindërtimin e objektit OUR, në mënyrë që të krijohen kushte më të mira për punonjësit dhe qytetarët”, shkruan Spasovski.























