​Mbrojtësi i FC Ballkanit ftohet nga Challandes për ndeshjet e shtatorit
BKT
Sport

​Mbrojtësi i FC Ballkanit ftohet nga Challandes për ndeshjet e shtatorit

Futbollisti Armend Thaçi i cili është pjesë e skuadrës nga Superliga e Kosovës FC Ballkani do t’i bashkohet sot Kombëtares së Kosovës për përgatitjet e ndeshjeve kualifikuese të shtatorit.

Mbrojtësi i krahut të majtë i Ballkanit është ftuar nga përzgjedhësi i Kombëtares A Bernard Challandes, dhe nga sot do të merr pjesë në seancën e dytë përgatitore të “Dardanëve”, përcjell KosovaPress.

Po ashtu, kjo do të jetë stërvitja e fundit e Kombëtares së Kosovës në stadiumin “Fadil Vokrri” në Prishtinë, para se të nisen drejt Gjeorgjisë.

Stafi i “Dardanëve” së bashku me lojtarët e grumbulluar nga Challandes do të nisen nesër në mëngjes për në Batumi, ndërsa të enjten do të zhvillojë ndeshjen e parë kundër kombëtares gjeorgjiane.