Filipçe do të aplikohet doza e tretë për disa kategori të qytetarëve
BKT
Rajoni dhe Bota

Filipçe do të aplikohet doza e tretë për disa kategori të qytetarëve

Ministri i Shëndetësisë në Maqedoninë e Veriut, Venko Filipçe, ka njoftuar se do të aplikohet edhe doza e tretë e vaksinës.

Bëhet fjalë për vaksinën “Pfizer”, pa dallim cilat kanë qenë vaksinat e mëhershme me të cilët janë vaksinuar qytetarët, përcjell Telegrafi Maqedoni.

Filipçe tha se rekomandimi për dozën e tretë është për qytetarët mbi 60-vjeç, punonjësit shëndetësor dhe për të gjithë pacientët me imunitet të komprometuar. Doza e tretë do të pranohet së paku gjashtë muaj pas pranimit të dozës së dytë.

Procesi do të fillojë të hënën, ndërsa qytetarët e këtyre kategorive nëpërmjet sistemit “Termini im” do të marrin SMS-porosi se mund ta pranojnë dozën e tretë të vaksinës.

“Sipas informacioneve, doza e tretë duhet të jetë nga prodhuesi Pfizer, ndërsa do të shohim më vonë si do të jenë rekomandimet”, tha Filipçe.


MË SHUME NGA Rajoni dhe Bota