14:23 / 20.10.2021
487 raste të reja me Covid-19 në Maqedoni të Veriut
Gjatë 24 orëve të fundit në Maqedoni të Veriut, nga 3.491 teste të kryera janë regjistruar 487 raste të reja me Covid-19, prej të cilëve 230 vetëm në Shkup. Në ndërkohë nga Instituti i Shëndetit Publik njoftojnë se janë shëruar 1.487 pacientë, përcjell Alsat.
Ndërsa betejën me Covid-19 e kanë humbur 20 pacientë.
Që nga fillimi i pandemisë, janë regjistruar gjithsej 198.156 raste, prej të cilëve 185.459 janë shëruar, kurse 6.998 kanë ndërruar jetë.
Aktualisht në Maqedoni të Veriut, janë 5.699 raste aktive me virusin korona.























