09:11 / 05.01.2022
Ky është numri i gjobave të shqiptuara vetëm në Shkup
Ministria për Punë të Brendshme në Maqedoni të Veriut, gjatë ditës së djeshme (04.01.2022) ka vazhduar me kontrollet e intensifikuara në trafik.
Me këtë rast vetëm në territorin e Shkupit ka shqiptuar gjithsejtë 161 gjoba, prej të cilave 30 për tejkalim të shpejtësisë, 6 për ngasje të makinës në gjendje të dehur, 15 të tjera për ngasje të makinës pa patentë shoferi.
Nga MPB-ja njoftojnë se janë shqiptuar dhe 8 gjoba për përdorim të telefonit, 6 për makina të paregjistruara dhe teknikisht të parregullta, 5 gjoba u janë shqiptuar këmbësorëve dhe 48 të tjera për parkim të parregullt.























