Qeveria e re e Maqedonisë V., më shumë emra të ri në ekipin e Kovaçevskit
Kompletimi i emrave të kabinetit të ri qeveritar është pothuajse punë e kryer.
Mandatari Dimitar Kovaçevski sot takoi kryesinë e ngushtë të partisë për një konfirmim të fundit të emrave që ka zgjedhur, pas konsultimeve edhe me partnerët e koalicionit qeveritar.
Të hënën pasdite, në mbledhjen e kryesisë qendrore, Kovaçevski do t’i konfirmojë emrat edhe para organeve të partisë. Për opinionin emrat nuk janë zyrtarizuar por mediat tashmë raportojnë jo zyrtarisht për disa prej tyre.
Qeveria e Kovaçevskit:
Sanja Llukarevska – zv/kryeministre për luftë kundër korrupsionit
Bojan Mariçiq – zv/kryeministër për çështje evropiane
Fatmir Bytyqi – zv/kryeministër për çështje ekonomike
Ministër për Punë të Brendshme ende nuk dihet emri
Lupço Nikollovski – ministër i Mbrojtjes
Millan Zhivkoviq – ministër për Punë dhe Politikë Sociale
Sllavjanka Petrovska – ministre e Drejtësisë
Trajan Dimkov – ministër i Bujqësisë
Dilema ka pasur për Ministrinë e Transportit dhe Lidhjeve por gjasat janë që ajo të drejtohet edhe më tej nga Bllagoj Boçvarski. Partitë shqiptare të koalicionit mbeten te kuadrot e njëjta.
Kovaçevski pritet të dorëzojë propozimin për kabinetin e ri qeveritar në Kuvend ditën e martë dhe ai të votohet gjatë fundjavës së ardhshme.
Ministër i Punëve të Brendshme me gjasë do të mbetet Oliver Spasovski edhe pse u përfol se nënkryetari i LSDM-së Mile Zeçeviq do ta udhëheqë dikasterin e Brendshëm./AlsatM























