Kyuchyuk: Qeveria e re ka filluar proces të mirë të afrimit me MV-në
Ilhan Kyuchyuk, bashkëkryesues i Partisë Liberale ALDE, dhe raportues i përhershëm i Parlamentit Evropian për Maqedoninë e Veriut, thotë se Qeveria e Re në Sofje arriti të fillojë një proces të mirë i cili synon t’i afrojë Bullgarinë dhe Maqedoninë e Veriut, ta shikojë perspektivën historike, ndërsa në të njëjtën kohë ta shikojë edhe perspektivën në BE.
Kyuchyuk tha se ka punuar me këta njerëz për shumë vite dhe tashmë e ka besimin e tyre. Marrëveshja mes dy vendeve nga viti 2017, thotë, e ka hapur rrugën euroatlantike për Maqedoninë e Veriut.
I pyetur nëse beson se Bullgaria duhet të heqë veton për fillimin e negociatave të Maqedonisë së Veriut me BE-në, ai tha se beson se Bullgaria duhet në mënyrë aktive të punojë brenda rregullave të dakorduara mes të dyja vendeve fqinje.
“Do të jetë një lëshim i madh i politikës së jashtme bullgare nëse e lejojmë këtë luks-Shqipëria të fillojë proces të negociatave, ndërsa Maqedonia e Veriut të lihet anash”, tha Ilhan Kyuchyuk.























