Vuçiq takon Patriarkun Porfirio, flasin për refugjatët ukrainas dhe Kosovën
BKT
Rajoni dhe Bota

Vuçiq takon Patriarkun Porfirio, flasin për refugjatët ukrainas dhe Kosovën

Presidenti i Serbisë, Aleksandar Vuçiq ka takuar Patriarkun e Kishës Ortodokse Serbe, Porfirio.

Gjatë bisedës, ai i ka prezantuar Vuçiqit iniciativën e tij për mbështetjen e refugjatëve nga Ukraina, njofton zyra e Presidentit të Serbisë, përcjell RTKlive.

Siç thuhet në njoftim, patriarku ka theksuar se Kisha Ortodokse Serbe dhe besimtarët e saj janë angazhuar në masë të madhe për të ndihmuar njerëzit nga zonat e prekura nga lufta. Presidenti Vuçiq premtoi angazhim shtesë të shtetit në mënyrë që refugjatët nga Ukraina të marrin ndihmë në kohë dhe adekuate.

Vuçiq dhe Porfirio diskutuan edhe për situatën në Kosovë, ndërsa presidenti e njoftoi patriarkun për vendimet e fundit të lidershipit të Prishtinës, situatën në rajon, si dhe sfidat me të cilat përballet Serbia në dritën e ngjarjeve në Ukrainë, thuhet në deklaratë.

Patriarku i Porfirit e njoftoi Vuçiqin më në detaje për sulmet ndaj Kishës Ortodokse Serbe dhe pronës së saj, veçanërisht në Kosovë dhe theksoi se është e rëndësishme të ruhet uniteti i popullit serb.

Presidenti dhe Patriarku u pajtuan gjithashtu se më e rëndësishme është ruajtja e paqes dhe stabilitetit me interesat kombëtare dhe shtetërore në radhë të parë, që të ruhet e ardhmja e qëndrueshme të qytetarëve të Serbisë, thuhet në deklaratë./S.Kelmendi

 


MË SHUME NGA Rajoni dhe Bota