NATO  vendos katër grupe luftarake të reja  në lindje
BKT
Rajoni dhe Bota

NATO  vendos katër grupe luftarake të reja  në lindje

Presidenti rus, Vladimir Putin, duhet të ndalojë luftën, kërkon shefi i NATO-s, Jens Stoltenberg, përpara samitit të kësaj jave në Bruksel.

Katër grupe të reja luftarake të NATO-s po krijohen tani në Evropën Lindore.

"Katër grupet luftarake që NATO kishte më parë do të zgjerohen me katër të tjera", thotë Jens Stoltenberg në konferencën e tij për shtyp para samitit të NATO-s.

“Udhëheqësit do të bien dakord për të forcuar pozicionin e NATO-s në të gjitha fushat: në tokë, në ajër dhe në det”, thotë Sekretari i Përgjithshëm, njoftojnë mediet skandinave, transmeton RTKLive.

“Në Bullgari, Rumani, Hungari dhe Sllovaki, tani do të ngrihen grupe luftarake, përveç grupeve tashmë të vendosura në Poloni dhe vendet baltike”, theksoi ai.

“Lufta e presidentit Putin në Ukrainë shkakton vdekje dhe shkatërrim çdo ditë. Putini duhet ta ndalojë këtë luftë”, shton Stoltenberg.

Sipas Sekretarit të Përgjithshëm, udhëheqësit e NATO-s në Bruksel do të diskutojnë, gjithashtu, rolin e Kinës në krizë. "Përveç kësaj, një mysafir special,  presidenti ukrainas, Volodymyr Zelenskyj, do të lidhet me takimin - përmes një lidhjeje nga Kievi, të cilin e mirëpresim përzemërsisht"./M.M.


MË SHUME NGA Rajoni dhe Bota