Janša humb zgjedhjet në Slloveni, fiton Svoboda
J.M
Në zgjedhjet parlamentare që u mbajtën sot në Slloveni, duket se do të ketë ndryshim të figurës së kryeministrit.
Kjo pasi exit-pollet e realizuara nxjerrin fitues kundërshtarin e kryeministrit aktual, Janez Janša.
Instituti ‘Mediana’ bëri një anketë të zgjedhjeve paralele për Televizionin Publik. Ajo u zgjati deri në orën 18:00 dhe në të morën pjesë 15.216 votues. Megjithatë, rezultati nuk përfshinë votat e atyre që kanë votuar para kohe ose të tjerat e dërguara me postë.
Ndërkohë,tashmë të gjitha qendrat e votimit në Slloveni janë mbyllur. Pas zgjedhjeve të pjesshme, më së shumti vota ka marrë partia e Gibanje Svoboda (35.8%), e ndjekur nga SDS (22.5%) e Janez Jansas,pastaj NSi (6.8%), SD (6.6%) dhe Levica (4.4%).
Siç raporton televizioni publik i Sllovenisë, RTVSLO, në nëntë zgjedhjet parlamentare në historinë e shtetit të pavarur slloven, votuesit zgjodhën një përbërje të re të Asamblesë Kombëtare.























