COVID-19 – BioNTech trefishon shitjet e vaksinave
Rajoni dhe Bota

COVID-19 – BioNTech trefishon shitjet e vaksinave

ATSH

Fitimi neto i kompanisë gjermane të bioteknologjisë BioNTech në tremujorin e parë të këtij viti është trefishuar në 3.7 miliardë euro, me rritjen e të ardhurave pas shitjes së vaksinës kundër COVID-19.

BioNTech ka shpallur rezultatet e saj financiare për tremujorin e parë të 2022.

Fitimi neto i kompanisë në tremujorin e parë u rrit në 3.7 miliardë euro. BioNTech njoftoi një fitim prej 1.12 miliardë eurosh në periudhën janar-mars të vitit të kaluar.

Të ardhurat totale të kompanisë u rritën me 211 për qind në tremujorin e parë krahasuar me të njëjtën periudhë të vitit 2021, duke arritur në 6 miliardë e 374 milionë euro. Pritshmëria e tregut për të ardhurat e BioNTech ishte 4.01 miliardë euro.  Në tremujorin e parë të vitit të kaluar, të ardhurat totale të kompanisë arritën në 2 miliardë e 48 milionë euro.