GREQI–Zjarri në afërsi të Athinës dëmton banesa dhe automjete
BKT
Rajoni dhe Bota

GREQI–Zjarri në afërsi të Athinës dëmton banesa dhe automjete

ATSH

Një zjarr që shpërtheu në periferi të Athinës dëmtoi banesa dhe automjete, ndërsa erërat e forta nxitën flakët për disa orë.

Banorët në rajonin rreth periferisë bregdetare jugore të Voula, rreth 16 kilometra nga qendra e Athinës, si dhe shtëpitë e kujdesit për të moshuarit dhe fëmijët në zonë u evakuuan paraprakisht nga autoritetet, pasi zjarri dëmtoi të paktën dy shtëpi, automjete të parkuara, lëndina dhe dogji siperfaqe të pyjeve.

Mbi 130 zjarrfikës të ndihmuar nga 6 avionë zjarrfikës dhe 4 helikopterë u përpoqën të shuanin flakët, me erërat e forta që shkaktuan vështirësi.

Greqia është në gatishmëri këtë vit pasi vendi u përfshi nga disa zjarre në disa fronte vitin e kaluar që u ndezën për javë të tëra, duke djegur shtëpi dhe qindra mijëra hektarë pyje, pas valës më të keqe të të nxehtit në dekada.

Zyrtarët e Komisionit Evropian njoftuan të enjten se mbi 200 zjarrfikës dhe pajisje nga gjashtë vende të BE-së do të vendosen në Greqi këtë verë për të ofruar mbështetje të menjëhershme për parandalimin e zjarreve.

Greqia ka gjithashtu kujtime të hidhura të një zjarri të vitit 2018 që përfshiu qytetin bregdetar veri-lindor të Matit pranë Athinës, duke shkaktuar vdekjen e 102 banorëve brenda pak orësh.


MË SHUME NGA Rajoni dhe Bota