14:48 / 17.06.2022
Luftanija ruse shkeli territorin danez
Përktheu: Muharrem Miftari/RTKlive
Një luftanije ruse ka shkelur territorin danez, në Bornholm, gjatë natës drejt së premtes.
Siç bëjnë të ditur Forcat e Armatosura daneze, anijet ruse kanë shkelur sërish territorin disa orë më vonë, njoftojnë mediet skandinave.
“Një provokim rus thellësisht i papërgjegjshëm, i rëndë dhe krejtësisht i papranueshëm. Metodat e bullizmit nuk funksionojnë në Danimarkë”, shkruan ministri i Jashtëm danez Jeppe Kofod në Twitter.
Ambasadori rus në Danimarkë është thirrur menjëherë në Ministrinë e Punëve të Jashtme daneze.























