15:40 / 11.08.2022
Qeveria suedeze ekstradon një person për në Turqi
Përktheu:Muharrem Miftari/RTKlive
Qeveria suedeze ka vendosur të ekstradojë një person, që ishte në listën e emrave të personave të kërkuar për ekstradim nga qeveria turke.
Sipas medieve skandinave, emri i personit është shfaqur në mediat turke si një nga njerëzit më të kërkuar për ekstradim.
Personi i moshës 35 vjeç u dënua në Gjykatën Supreme të Turqisë më 2013 dhe 2016 për disa raste të krimit e të keqpërdorimit të kartave bankare.
Është hera e parë që qeveria suedeze ekstradon një person, pas kërkesave të Turqisë që ka të bëjë me anëtarësimin e Suedisë në NATO.























